REFLEXIÓNS SOBRE A 3ª SESIÓN DO XOVES 15 de XANEIRO de 2015

Con esta sesión que tivo dúas partes claramente diferenciadas empezamos a ter xa a sensación de entrar en materia.  Algo que en maior ou menor grao todos-as estabamos desexando.
Na primeira parte José Antonio Fraga "abrumounos" con todos os seus proxectos nos que os seus alumnos-as son claros protagonistas.  Amosou un traballo froito de tres anos de busca e innovación.  En calquera caso unha mostra moi extensa a cargo dun compañeiro a pé de aula coma nós o que fai pensar que é posible traballar nesa liña.  Unha conclusión desta parte é que seguemos a cargar o almacén de ideas e posibilidades.  Como crítica construtiva dicir que seguramente sería positivo que en lugar de amosar moitos proxectos, nun deles ou en dous profundizara máis coa intención de comprobar o desenvolvemento concreto do proxecto e con que recursos TIC o levou a cabo.
Na segunda parte distribuídos-as por grupos aos que se lles deu unha tarefa concreta para levar a cabo na Tablet a través das aplicación suxeridas.  Cada grupo "disfrutaba" dunha aplicación, en moitos casos case por primeira vez. 
Dispoñíamos de moi pouco tempo e aínda con esas presas e "presión" todos os grupos lograron plasmar, independentemente da calidade, as ideas que previamente aportou cada un dos membros a título individual.
Chegaron esas mostras a través das seguintes aplicación: tellagami, notegraphy, soundcloud, sockpuppets e chatterpix.  As tres primeiras existentes para android, aínda que traballamos coas ipad que trouxo a asesora.
A sensación final na que todos-as coincidimos é que con moi pouco dominio, moi pouca práctica (e inseguridades e medos) e con moi pouco tempo (uns 20-25') se conseguen xa uns froitos moi dignos que podedes observar.

REFLEXIÓNS SOBRE A 2ª SESIÓN DO MÉRCORES 10 DE DECEMBRO DE 2014

Houbo una boa estruturación e planificación o que fixo amena e participativa a sesión.  Profundizouse na necesidade de cambiar para chegar a traballar xa coas tablets e unha app a modo de exemplo.
Outra toma de contacto coas dúas partes que van marcar o seminario: o traballo por tarefas e o traballo coas apps.  Serveu ademáis como ocasión para debatir e intercambiar opinións para chegar a acordos en canto a metodoloxías e obxectivos a perseguir. 
Os  membros do seminario tamén son conscientes das súas iniciais dificultades cos dispositivos móbiles, lóxicos por outra parte.  Ao mesmo tempo que posiblemente se esperten conciencias en canto a abandonar zonas de confort, formarse, non "delegar" ou parapetarse en axentes externos como excusa para non cambiar. 
Unha vez rematada a sesión as valoracións en frío xiran ao redor das infinitas posibilidades que poden dar tanto as tarefas como despois as apps.  
Todo isto asusta un pouco pero tamén se deixou claro que non é labor dun día.

REFLEXIÓNS SOBRE A 1ª SESIÓN DO XOVES 27 DE NOVEMBRO DE 2014.

As sensacións que se desprenden da primeira sesión resultaron un tanto contraditorias.  As expectativas dos membros do seminario eran moi diversas e algúns aspectos non resultaron moi aproveitables.  Seguramente esperábamos algo máis de práctica.  En calquera caso serviu para ir facéndose unha idea do que vai vir e como primeira toma de contacto.  Foi moi ilustrativo o traballo mostrado por Susana Lamela xa que desde o primeiro día temos un exemplo cercano de como traballar cos nenos-as e coas apps.
Tamén despertou conciencias en canto á necesidade de facer cambios metodolóxicos, en certo modo parece que inminentes.  Sen esquecer o mantemento do que ata agora estivo dando froitos positivos e aproveitables. 
Os problemas técnicos empañaron un pouco a tarde, xa que as presentacións quedaron desvirtuadas e dificultaron a comprensión e o seguimento dos aspectos que se pretendían.